Divorsio ku ta wòrdu efektuá dentro di e espasio di un dia . Dia ku a duna otro e palabra "Si", Bo a sera un kontrato kompliká i b'a eksponé Bo mes na leinan deskonosí di presente i futuro. Den Bo romanse nunka Bo no a pensa riba e posibilidat ku e matrimonio lo por terminá den un divorsio. Divorsio ta un suseso hopi drástiko i severo den bida. Bon konosementu i informashon ophetivo ta di suma importansha den semehante kaso. Si Abo huntu ku Bo espos(o) (a) Bosnan a disidí ku divorsio ta e úniko solushon, lo Bosnan lo por separá tòg na un manera sereno for di otro. Solamente si e partidonan ta di akuerdo ku otro riba e divorsio i e kondishonnan mará na esaki lo Bo por divorsiá den un dia. E manera lihé aki di divorsio aki ta wòrdu yamá " divorsio den un tiro" . Divorsio den un tiro ta trese algun bentaha kuné i lo Bo por wòrdu guiá i orientá pa medio di ofisina "Bokkes Fontein Advocaten"

Bentahanan di un "Divorsio den Un Tiro"

•  Paresé solamente un biaha dilanti hues;

•  Tarifanan abou fího

•  Tur kuestión di pertenensha reglá den un solo tiro

•  Akuerdonan tokante menornan di edat reglá den un solo biaha

Pa mas informashon por tuma kontakto direktamente ku ofisina di "Bokkes Fontein" na e number di telefon 005999 465 82 98 òf via e-mail: info@bfadvocaten.com

Prosedimentu di "Divorsio den Un Tiro"

Pa kuminsá e dos partidonan konserní mester ta di akuerdo ku otro riba tur e kondishonan di e divorsio. Dicho akuerdonan Abo i Bo espos (o) (a) mester yena riba e asina yamá "Intakeformulier" (un formulario ku ta wòrdu usá espeshalmente pa tipo di kasonan manera esun di un divorsio relámpago) (den e kolòm "Intakeformulier"). Por ehèmpel, Boso konhuntamente por yega na un akuerdo tokante repartishon di e bienes konyugal, disidí riba e futuro di e kas matrimonial i/òf e aporte finansiero pa (kada) yiu(nan). Bokkes Fontein Advocaten naturalmente por yudabu yena e asina yamá "Intakeformulier". Pa e motibu aki, den e kaso di un "divorsio relámpago" ta sumamente importante pa Abo i Bo espos (o) (a) for di un prinsipio a yega na un akuerdo riba tur e kondishonnan di e divorsio. Na entrega di e asina yamá " Intakeformulier" lo traha un sita ku Bo pa un kombersashon personal ku un di e abogadonan di ofisina "Bokkes Fontein Advocaten". Den e kaso aki ta di suma importansha pa tanto Abo komo Bo espos (o) (a) ta presente na e sita personal.

Kiko Bo mester presentá kuné na e sita (òf kombersashon) personal

•  un reibeweis válido

•  buki di kasamentu i/òf un kopia di e akta di matrimonio;

•  akta ti nasementu di Boso yiu(nan) (den e kaso ku tin yiu)

Kiko ta pasa durante e kombersashon personal ? Durante di e kombersashon personal lo repasá e konbenio preliminar di divorsio i lo diskutí su kontenido ampliamente ku Bo. E konbenio di divorsio ta un konbenio, den lo kual " Bokkes Fontein Advocaten" lo spesifiká akuerdonan ku a wòrdu yegá i kondishonan di e divorsio ku a wòrdu stipulá konforme datosnan registrá riba Bo "Intakeformulier". E konbenio aki por wòrdu ahustá na Bo último deseonan i si tur dos partido konserní ta di akuerdo nan lo firm'ele. Además, henter e desaroyo di e proseso lo wòrdu spliká na plaka chikí. Lo Bo wòrdu informá mesora riba kual fecha Bo(so) mester paresé dilanti hues pa e "Divorsio den Un Tiro". Mayoría biaha Bo por divorsiá den e mesun luna den kual bo tabata tin e sita na e ofisina. Si Bo ta deseá tambe - den konsulta ku Bokkes Fontein Advocaten"- Bo mes por skohe un fecha riba kual Bo ke divorsiá.

Resumen. En prinsipio ku un solo sita na nos ofisina henter e proseso di divorsio por wòrdu reglá. E trámitenan pa un "Divorsio den Un Tiro" ta konsistí di :

•  Pone huntu tur papelnan nesesario;

•  Yena e "Intakeformulier"

•  Un kombersashón personal;

•  Paresé UN SOLO biaha dilanti hues pa e "Divorsiá den un Tiro"