En prinsipio, tantu den kaso sivil komo den kaso penal e tarifanan di Bokkes Fontein Advocaten ta basá riba e tarifa korespondiente pa ora. Mesun kos tambe, dependiendo di e grado i embergadura di e kaso, tin otro posibilidatnan ku un kliente di Bokkes Fontein Advocaten, por yega na akuerdo ku n'ele.

En lo susesivo ta sigui un espesifikashon di diferente posibilidat di pago:

• Pago basá riba tarifa pa ora
  E manera "normal" di paga, lo kual ta enserá lo siguiente: e kliente ta paga adelantá i esaki ta wòrdu deskontá a base di e tarifanan pa ora korespondiente.

• Pago di un montante fího mes ora
  Promé ku e abogado kuminsá defendé e interesnan di su kliente, e kliente ta paga UN montante fího ku ta kubri tur e aktividatnan rekerí den su kaso, pa asina evita ku den e kliente lo reina inseguridat pa ku e montante final ku e mester paga.

• Pago dependiendo di e resultado
  Un posibilidat ta ku e pago ta wòrdu fihá kompletamente dependiendo di e resultado optené. Si no logra bon resultado lo no tin pago na "Bokkes Fontein Advocaten" . Sin embargo, si e resultado optené ta na fabor di e kliente e ora ei e regla ta ku e tarifa lo ta mas haltu ku e tarifa pa ora normal. Un otro posibilidat ta un kombinashon di e opshonan ariba menshoná, kaminda e tarifa fihá lo ta válido den kaso di un resultado na fabor di e kliente i un tarifa mas abou den kaso ku e resultado laga un poko di deseá

• Asistensia hurídiko grátis
  Pa kasonan sivil un kliente, si e ta bini na remarke pa esaki, por buska un sertifikado di insolvensia na e instansia konserní. Den kasonan penal un sospechoso, den kuadro di lei, tin derecho riba un abogado pro Deo. Den tur dos kaso ta konta ku si apuntá un di e abogadonan di "Bokkes Fontein Advocaten' pa e kliente, su kaso lo wòrdu atendé gratis.